نفى معتز إينو، لاعب الزمالك والأهلي السابق، ما نسب له بشأن الإساءة لنادي الزمالك ولاعبيه وخاصة قائد الفارس الأبيض، محمود عبد الرازق شيكابالا، وذلك خلال الأيام الماضية التي أعقبت تتويج النادي الملكي ببطولة الدوري.
وتداولت وسائل إعلام عديدة، تصريحات منسوبة لمعتز إينو، تم نقلها من حساب على موقع التواصل الاجتماعي “تويتر”، يحمل اسمه، وتسيء لنادي الزمالك، وقائد الفريق شيكابالا، وكذلك السخرية من جمهور الزمالك عقب التتويج ببطولة الدوري العام.
وقال معتز إينو، خلال فيديو عبر الصفحة الشخصية له على موقع التواصل الاجتماعي “فيسبوك”: “الناس اللي تعرفني عارفين إني مش بحب أطلع وأعمل فيديوهات لكن حان الوقت إني أطلع وأوضح حاجات كتيرة”.
وأضاف إينو: “الدنيا قايمة عليا وكل الناس عمالة تتكلم، إينو بيهاجم جمهور ونادي الزمالك وشيكابالا، أنا عايز أوضح حاجة، أنا معنديش أي أكونت على تويتر خالص.. ده واحد مريض نفسيا هو اللي عامل أكونت باسمى وحاطط صورتي، وبينزل كلام فارغ مالوش أي أساس من الصحة”.
وتابع: “أنا طالع علشان أوضح إني ماليش غير صفحتي على فيسبوك وفي خلال أسبوع هيتم توثيقها، فأي حاجة تتكلم مش على لساني خالص والله العظيم، ولا أقدر أتكلم على زميل ملاعب ليا، شيكابالا نجم كبير وجمهور الزمالك على رأسي”.
وأشار نجم الأهلي والزمالك سابقًا: إلى أنه يحترم أي شخص: “باحترم نفسي في الأول أنا راجل متربي والناس كلها عارفة معتز إينو متربي إزاي وكل دول زملاء ملاعب”.
واختتم: “اللي مزعلني أكتر إن كابتن خالد الغندور، وكابتن تامر عبدالحميد، وناس كبيرة وكباتن ليا، المفروض إنهم عارفين شخصية معتز إينو وتربيته، هما بيتكلموا أو بيردوا وخلاص، على الأقل واجب على كل الكباتن اللي بتهاجمني، ترفع السماعة عليا وتقولي يا إينو إيه اللي حصل وساعتها هتعرف إن أنا على حق”.
