كهربا
علق محمود عبدالمنعم كهربا، لاعب الفريق الأول لكرة القدم بالنادي الأهلي، على الضغوط الكثيرة التي تعرض لها خلال الفترة الماضية.
وقال كهربا في تصريحات تليفزيونية في برنامج جمهور التالتة المذاع عبر قناة ” أون تايم سبورتس” : “أنا كنت بمر بفترة صعبة، بس البطولات عوضتني عن كل حاجة، وأنا زعلان جدًا من اللي بيحصل في الأجواء المصرية، انا مليش ذنب في أي حاجة وبيتحط اسمي في كل حاجة، واللي بيحصلي كل ده بيصعب عليه نفسه”.
وأضاف: “حاسس بكل اللي بيحصل، ودايمًا بدعي ربنا إني أكون في أحسن حال، أنا الماتش اللي فات كنت حاسس إنه هيوصل إكسترا تايم، وفي أول الماتش كنت بهزر وبضحك وبغير الضغط اللي عليا”.
وعن رجوعه بقوة بعد فترة الإيقاف، قال: “اللي معاه ربنا يمشي على المياه ويمشي على السما، واللي معاه أبوه وأمه يقفِّل الدنيا كلها”.
واختتم كهربا مازحًا: “استنى أشوف فيه جيبي فلوس ولا لأ، معاييش غير 2 جنيه وخمسة جنيه هفطر بيهم الصبح فول وطعمية، وشدد على عدم رغبته في الحديث عن أزمة غرامة الزمالك وكيفية سدادها”.
