رضا عبد العال
تداولت عدد من صفحات التواصل الاجتماعي المختلفة تسريب صوتي لـ رضا عبدالعال نجم الأهلي والزمالك ومنتخب مصر الأسبق شن فيه هجوما ناريا ضد جماهير النادي الأهلي.
يأتي ذلك على خلفية قيام عدد من جماهير الإسماعيلي بالاعتداء على حافلة جماهير النادي الأهلي قبل المباراة التي أقيمت بينهما وانتهت بالتعادل السلبي.
وجاء خلال التسريب الصوتي تصريحات خطيرة لـ رضا عبدالعال: ” أنا مش عارف أنتوا ايه (يقصد جمهور الاهلي) أومال الدوري اتعمل ليه انت بتلعب الماتشين برة الإسماعيلية وليه الفرق التانية بتروح إسماعيلية”.
اسمعوا يا مسىؤلين يالى فى الدولة شوفوا رضا عبدالعال بيقول ايه عن تعدى جمهور الاسماعيلى على حافلة الأهلى ازاى شخص زى ده يدخل كل يوم بيوتنا عن طريق برامج بير السلم إللى بتستضيفه علشان يزرع الفتنه ويقول الألفاظ دى ? احنا وصلنا لقمة القاع والله لما شخص جاهل زى ده ينظر على الناس ?? pic.twitter.com/MaSnGff5uX
— mahmoud anwar (@mahmoudanwar_74) August 21, 2022
وتابع:” احنا بنقول العدالة يإما تنسحبوا ومتقرفوناش”.
وأكمل عبدالعال خلال التسريب:” الأهلي خايف يروح بورسعيد والإسماعيلية وبيروح إسكندرية والمشكلة إنك مأخدتش دوري بتقولي ضربوك هو إنتوا كده ملايكة تلاقي انتوا اللي استفذتوهم عشان كده ضربوكم”.
وأتم عبدالعال تصريحاته خلال التسريب:” فاكر يوم ما استفزيتوا جماهير المصري وموتكوا يعني أنا مش عارف إنتوا عايزين ايه بالضبط انتوا عاوزين البلد تولع ولا ايه أصل انتو ملايكة وانتو مشتمتوش طالما خايف تروح الإسماعيلية متقرفوناش”.
الأهلي ضد الإسماعيلي
وكانت مواجهة الأهلي ضد الإسماعيلي قد انتهت بالتعادل السلبي في المباراة التي جمعتهما باستاد برج العرب بالإسكندرية في إطار منافسات مؤجلات الاسبوع الـ 18 من عمر بطولة الدوري الممتاز.
وشهدت أحداث المباراة محاولات هجومية من قبل الفريقان، حيث أبعد دفاع النادي الأهلي هجمة خطيرة للإسماعيلي داخل منطقة الجزاء بعد عرضية من الجهة اليسرى عن طريق أحمد مدبولي.
وتمكن النادي الأهلي من الوصول لمرمى محمد فوزي حارس مرمى الإسماعيلي، في الدقيقة الـ 9، بعرضية من محمد أشرف من الجهة اليسرى، ولكنها مرت من جانب أقدام أحمد سيد غريب مهاجم المارد الأحمر.
كما سجل كريم فؤاد هدف للنادي الأهلي في الدقيقة الـ 20 من عمر المباراة، ولكن لم يحتسبه محمد حنفي جكم الساحة بداعي التسلل.
